Новости платформы

"Жауапкершілік – ер азаматтың басты қасиеті»

Мұқағали Мақатаев атындағы тірек орта мектебінде 8-11 сынып ұлдарына жиналыс өткізілді.Негізгі сөз болған мәселе қоғамда орын алып жатқан келеңсіздіктер:буллинг, бопсалау, лудомания, қаңғыбастықпен айналысу мәселелеріне арналды.

Қазақ халқы ер азаматқа әрдайым үлкен үміт артқан. «Ер жігіт – елдің тірегі» деп, ұл баланы кішкентайынан еңбекқорлыққа, батылдыққа және жауапкершілікке тәрбиелеген. Себебі болашақта отбасының қамқоршысы, елдің қорғаны болатын – бүгінгі жас ұрпақ.

Жауапкершілік тек үлкен істерден ғана көрінбейді. Ол күнделікті өмірде – сабаққа дайындалу, ата-ананың айтқанын орындау, достарына адал болу, өз ісіне ұқыпты қарау арқылы қалыптасады. Әрбір жас өз ісіне жауап бере алса, ол болашақта мықты, сенімді азамат болып өседі.