Новости платформы

«Біртұтас тәрбие» бағдарламасы аясында ағымдағы жылдың мамыр айының 2 күні, Шу ауданы Мұқағали Мақатаев атындағы тірек орта мектебінің (РО) 5 сынып оқушыларымен Ұлы Жеңістің 80 жылдығына орай Шу аудандық тарихи-өлкетану мұражайына «Ер есімі – ел есінде», «Ұлы Жеңіс – ел бақыты» тақырыптарында саяхат жасалынды.

Мақсаты:

- Ұлы Отан соғысы ардагерлерінің ерлігін еске алып, жастардың бойында отансүйгіштік, тарихи сана қалыптастыру; Шу өңірінен шыққан батырлар мен соғыс ардагерлері туралы деректермен таныстыру; Мұражай қорындағы құнды жәдігерлер арқылы Ұлы Жеңістің маңызын ұғындыру.

Шу Мұражай қызметкері экскурсияны «Ер есімі – ел есінде» тақырыбындағы бөлімнен бастады.

Келесі кезекте: экспозициялармен таныстырып өтті.

- Ұлы Отан соғысына қатысқан Шу өңірі ардагерлерінің фотосуреттері мен өмірбаяндары;

- Майданнан келген хаттар, марапаттар, әскери киім үлгілері;

- Батырларға арналған стендтер мен көрнекі бұйымдар.

Қосымша бөлім – «Ұлы Жеңіс – ел бақыты»:

- Жеңістен кейінгі жылдардағы ауданның даму тарихы;

- Соғыстан оралған жауынгерлердің еңбектегі жетістіктері;

- Жеңіс күніне арналған тарихи фотошежірелер мен құжаттарды көрсетті.

Оқушылармен сұхбат:

Мұражай қызметкері оқушыларға сұрақтар қойып, олардың алған әсерлерін, есте қалған сәттерін талқылады.

Саяхат соңында оқушылар «Батырларымызды ұмытпайық!», «Ерлік – елге мұра» деген үндеулер айтып, естелік суретке түсті.

Шу аудандық мұражайына жасалған бұл танымдық саяхат – ұрпақтың өткен тарихқа деген құрметін арттырып, патриоттық рухын көтерудің жарқын үлгісі. Ерлік ешқашан ұмытылмайды, ал тарихты білу – болашаққа сенімді қадам екенін ұғындыра түсті.