"Шаттық -2019" ҚҰТТЫҚТАЙМЫЗ!
Жыл сайын көктем мезгілінде «Шаттық» балалар мен жасөспірімдер арасында ашық шығармашылық байқауы өтеді.
Бұл жылы 13-ші «Шаттық 2019» байқауы сәуір айының 8-і мен 15-і аралығында өтті. Алты мыңнан астам қатысушы әр түрлі алаңдарда аспап, халық аспабы, хор, театр, фотосурет, хореография, вокал, бейнелеу өнері, ерекше жанр салалары бойынша бақ сынасты. Байқауда 100 – қола, 75 – күміс, 40 – алтын жүлде ойнатылды.
Байқауға қатысушылар үш жас ерекшелігі бойынша 8-11 жас, 12-14 жас, 15 және одан жоғары жас ерекшеліктері бойынша өнер көрсетті.
Мектебіміздің намысын қорғағандар :
Бейнелеу өнері номинациясы бойынша Айдынғали Аяжан – күміс;
Ахметжан Айя – қола жүлделерін жеңіп алды.
Хореграфия номинациясы бойынша мектебіміздің 8-11жас аралығындағы бишілеріміз алтын жүлдені жеңіп алды.
Астаптық жанр номинациясы бойынша классикалық аспапта (гитара) Тәжі Алихан – күміс жүлдені,ал халықтық аспаптық орындауда (домбыра) Есенжолова Руслана мен Тапалов Нұрболат – қола жүлдені жеңіп алды.
Вокал номинациясы бойынша халық әнін орындауда Нұрлашев Жәнібек – қола жүлде иеленді, эстрадалық орындауда Қуаныш Таңшолпан дипломмен марапатталды.
Ерекше жанр номинациясы бойынша Затынбек Дара мен Станкулова Аружан – күміс жүлдені жеңіп алды.
Театр, хор, фотосурет номинациялары бойынша мектебіміздің байқауға қатысқан оқушылары дипломмен марапатталды.
Жеңімпаздарымызды үлкен жетістігімен құттықтаймыз! Жарайсыңдар! Алдағы уақытта бұдан да биік белестерден көрініңіздер! ҚҰТТЫҚТАЙМЫЗ!
