Әр оқушы – бір-бір дарын иесі
Шығармашыл, ұшқыр ойлы және ең бастысы, өз білімін іске асыратын тұлға – дарынды балалар. Дарынды балалар еліміздің интеллектуалдық элитасын қалыптасты-ратын ұлттық құндылық болып саналады. Баланың дарынды болып дүниеге келуі, оның қабілетін анықтау, талантын жүре дамыта алуы – әлі күнге дейін ғалымдардың ыстық талқылауына ие сұрақтардың бірі.Осы ретте ойы ұшқыр, мінезі салмақты, әрқашан жайдары жүретін дарынды оқушымның бірі Балғабай Мухаммаддинді айта аламын.Бос уақытында Юсимас менталды арифметика, шахмат, бассейн, робототехника, сурет үйірмелеріне барады. Иордания ІХ ұлттық ашық жарысында І орынды иеленіп, мектеп мәртебесін асқақтатты. Амман қаласынан оралған соң, қызықты жайттармен бөлісіп, сыныптағы барлық достарына базарлығын таратып, ортамызды қуанышқа бөледі. «Кенгуру-математика», «Ақбота» интеллектуалдық марафоны , мектепішілік математикалық олимпиадалары мен қашықтық олимпиадаларының жүлдегері.
«Өнер – білім берем десең басынан,
Бер оқуға балаларды жасынан.
Жас кезінде білім берсең қалайда,
Өсе келе қолы жетер талайға» – деп Жүсіп Баласағұн айтқандай, Мухаммаддиннің бала кезден осындай жетістікке жетуіне ықпал еткен ата-анасына жақсылықтар тілеймін.
Сынып жетекшісі: Нұрғалиева Құралай Саркенқызы.