«Адал ұрпақ – Мәңгілік Елдің болашағы»
Оқушылар арасында сыбайлас жемқорлыққа қарсы мәдениетті қалыптастыру мақсатында мектебімізде «Адал ұрпақ» ерікті клубының кезектен тыс отырысы өтті. Дөңгелек үстел барысында сыбайлас жемқорлыққа қарсы мәдениетті қалыптастыру бойынша жаңа оқу жылының тәрбие жұмысының жоспары таныстырылды. Клуб мүшелігіне 150 оқушы енгізілді. Клуб мүшелігіне мектебіміздің үздік, үлгілі, пәндік олимпиада мен ғылыми жобалар сайысының, спорт және түрлі өнер байқауларының жеңімпаздары қабылданды. Сонымен қоса, рухани-адамгершілік және азаматтық-патриоттық тәрбиелеу контекстінде сыбайлас жемқорлыққа қарсы мәдениетті мектеп ортасында қалыптастыру бағдарламасымен мектеп президенті, клуб жетекшісі 10 «Б» сынып оқушысы Бекетов Данияр таныстырды. Клуб белсенділері әрбір сыныптың топ басшыларымен байланысып жұмыс жүргізуде.
