Новости платформы

12 маусым күні № 58 мектеп-гимназиясында 9 сынып оқушыларына негізгі орта мектепті бітіру туралы куәлік тапсыру мерекесі өткізілді.

Салтанатты жиын барысында алдымен сөз алған мектеп директоры Нугуманова Самал Ботаханқызы, оқушыларды негізгі мектепті аяқтауларымен құттықтап, ақ жол тіледі. Салтанатты жиын одан әрі оқушыларға куәлік тапсыру сәтіне ұласты. Биылғы оқу жылында 140 оқушы негізгі мектепті аяқтады. Олардың арасында түрлі конкурстардың жеңімпаздары мен қалалық, аудандық, республикалық олимпиадалардың жүлдегерлері бар. 9 жылдық білімді үлкен жетістікпен аяқтап, мектеп мақтанышына айналып, 3 оқушы «үздік куәлік» иесі атанды. Олар Бигарина Аружан, Аманжолова Аружан, Хамзин Руслан. Мектеп бітіруші оқушылардың кейбіреулері өз білімдерін одан әрі колледждерде жалғастырмақшы. Бұл өте көңілді және бір жағынан сағыныш ұялататын мектеппен қоштасу кеші десекте болады. Оқушылар мұғалімдерге деген жылы лебіздерін айтып, мұғалімдер оқушыларға ақ жол тілеп, алға қойған мақсаттарына жететіндеріне сенімдерін білдірді.