«Орта білім мазмұнын жаңарту аясында оқытудың жаңа тәсілдерін пайдалану»
2017 жылдың 5 сәуірінде №64 мектеп-лицейде «Орта білім мазмұнын жаңарту аясында оқытудың жаңа тәсілдерін пайдалану» тақырыбында «Ынтымақ» желілік қоғамдастығының қорытынды форумы болып өтті. Форумға Астана қаласы Білім Басқармасының әдіскерлері, Астана қаласы №64 мектеп-лицей серіктес мектептерінің деңгейлік курс оқыған мұғалімдері қатысып, желілік қоғамдастық аясында озық тәжірибелермен бөлісті. Форум бағдарламасында №64 мектеп-лицей мұғалімдері М.С.Аубакирова, Б.А. Байдүйсен, А.А.Бекботаева, А. Жусупбекова, А.Б. Шотпаева, Б.М. Мұхамедиярова, Ж.А.Табыспаева, Г.К.Мадиевалардың жүргізген сабақтары ( орыс тілі, ағылшын тілі, әдебиет, информатика) мен тренинг шаралары жоғары бағаланды. Форумда сонымен қатар, №44, №38, №52 мектептердің мұғалімдері десант сабақтар мен тренинг өткізіп, соңында мектеп координаторларының жылдық қорытынды жұмыстары сараланды. Форум жұмысы іс-тәжірибесін ортаға салған ұстаздарды марапаттаумен қорытындыланды.
