23-сәуір Бүкіләлемдік кітап күні.
«Тек кітап қана алға жылжуды,адамдық шыңына шығуды үйретеді.»
Н.Ә.Назарбаев.
Әрбір қазақтың сүйіп оқитын жазушысы Шерхан Мұртаза: «Егер адамның жүрегіне мұз қатып қалса, көркем кітап соны жібітуге тиіс.Егер еріте алмаса ол –осал шығарма.»деген сөзі кітаптың адам өміріндегі , жас ұрпақ тәрбиесіндегі маңыздылығын айғақтаса керек.Ұлы ойшыл Шекспир болса: «Кітап- маған тақтан да қымбат.»-деп кітаптың құдыреттілігіне табынды, бүгінгі таңда жедел ақпараттың тасқынының тасасында қалып бара жатқан «кітап әлемін» қайта жандандыру – кітапханашыларға жүктелген үлкен міндет.
Кітап- ең сабырлы ұстаз.Әр кітап өзінше бір құпия.Еліміздің баспаларынан жыл сайын көптеген кітаптар басылып шығады. «Алматы», «Атамұра» «Жазушы» кітап баспаларынан шыққан көздің жауын алатындай кітаптар, балаларға арналған әдебиеттер кітапхана қорын толықтыруда.Иә ,кітапхана -бір әлем.
22 -сәуір Бүкіләлемдік кітап күніне орай оқушылармен ауылдық кітапханаға
сыныппен бардық.Ауылдық кітапханашы Алма Тлемісқызы бүкіләлемдік кітап күнін түсіндіре кетті.
-1616 жылы сәуірдің жиырма үшінші жұлдызында М.Сервантес, У.Шекспир және Инка Гарсиласо де ла Вега сынды тұлғалар қайтыс болған. Сондай-ақ, Морис Дрюон, Хальдоур Лакснесс, Дж.Пла және Мануэль Мехиа Вальехо атты авторлардың туған немесе дүние салған күндері саналады. 1995 жылы Париж қаласында өткен ЮНЕСКО-ның Бас конференциясында осы күнді кітап пен оның авторларына арнау туралы шешім қабылданды, қазір ол 100 астам елді қамтиды.
Оқушылар оқыған кітаптары жайлы ой бөлісті.